ओम कुमारी पुन शान्तिलाई जीवनदान दिने उद्देश्यका साथ २०७० साल वैशाख २४ गतेको भेलाले २०७० साल वैशाख २५ गते भेला सम्पन्न गर्यो । भेलाले संयोजक चन्द्रकुमार के.सी., सह–संयोजक प्रमोद श्रेष्ठ, सचिव राजकुमार थापा, कोषाध्यक्ष हरिकृष्ण गौतम, सदस्यहरु कुविरकुमार श्रेष्ठ, सन्तोष रावल, राजेश शाक्य, बालकुमार रोका मगर, मनप्रसाद थजाली, घनश्याम सापकोटा, हरि गिरी, विनय श्रेष्ठ, खम बहादुर थापा, पूर्णबहादुर रोका, लोकेश पुन, किरण सापकोटा र गोविन्द सुवेदी रहेको ‘ओमकुमारी पुन (शान्ति) उपचार सहयोग समिति गठन भयो । २०७१ भाद्र २६ गते बसेको उपचार समितिको बैठकले आर्थिक सहयोग संकलन रु. ५५,१०,४१०। र बैंक ब्याज रु. ११०,४९१।१६ गरी कुल आम्दानी ५६२०९०१।१६ साथै उपचार खर्च रु ४२,२३,८६०।– गरी बचत रु. १३९७०४१।१६ रहेको आयव्यय अनुमोदन गर्यो । उपचार समितिले शान्तिलाई पुनर्जीवन प्रदान गर्न नसकेपनि म्याग्दी जिल्लामा आर्थिक अभावमा मृत्युवरण गर्न नपरोस भन्ने उद्देश्यका साथ बचत रकमलाई मुल अक्षय कोषमा परिणत गरी एक पवित्र परोपकारी संस्था खोल्ने निर्णय गरी ओमकुमारी शान्ति कोषको स्थापना भयो। थप पढ्नुहोस
