नेपालमा मृत्युपश्चात कलेजो,मुटु,फोक्सो, मृगौला लगाएत मानव शरीरका महत्वपूर्ण अंग दान दिनेको संख्या बढ्न थालेको छ । मृत शरीरबाट अंग निकालेर जीवित ब्यक्तिमा प्रत्यारोण तथा एकाघर भित्र जटिल रोगबाट ग्रसित भएपनि जीवितै अवस्थामा अंग प्रत्यारोपणमा आनकानी गरेका धेरै समाचार सुनिन्छ । तर, म्याग्दीका एक ब्यक्तिले ९ महिनाको बालिकाको जीवन रक्षाका लागि कलेजो दान गरेका छन् ।

जिल्लाकै परोपकारी संस्था ओमकुमारी शान्ति कोषका संस्थापक अध्यक्ष चन्द्रकुमार केसीले अन्नपूर्ण गाउँपालिका–७ हिस्तान औलकी सियाना रन्तिजालाई कलेजो दान गरेका हुन् । आर्थिक अभावकै कारण उपचारबाट बन्चित भएका विपन्न म्याग्देलीको उपचारमा आर्थिक तथा अभियान सञ्चालन गदैं आएको कोषको पहलमा शुक्रबार भारतको सर गंगाराम अस्पतालमा रन्तिजालाई कलेजो दिएको कोषका अध्यक्ष राजेश शाक्यले बताए ।

‘मानवीय सेवाको सबैभन्दा ठूलो कार्य हो,‘सियाना जस्ता धैरैलाई यसले एउटा उर्जा थप्ने छ’ शाक्यले भने ।उनले शुक्रबार करिव ८ बजे संस्थापक अध्यक्ष केसीको शरीरबाट ३० प्रतिशत कलेजो निकालेर सियानालाई प्रत्यारोपण गर्ने कार्य भइरेहको बताए । प्रत्यारोपणको समयमा करिव ८ देखि १२ घण्टासम्म लाग्ने अनुमान गरिएको छ।

प्रत्यारोपण गरिएपछि विरामी र डोनरलाई चिकित्सकले निगरानीमा राखिने चिकित्सकको भनाई उद्धित गदैं शाक्यले भने। पाँचपटक सम्म अस्पतालमा चिकित्सकले चेकजाँच तथा नेपाली तथा भारत सरकारको कानुनी प्रक्रिया पुरा गरी केसीको कलेजो प्रत्यारोपण गरिएको कोषले जनाएको छ । प्रत्यारोपणपछि डोनरको कलेजो पुरानै अवस्थामा फर्किने बेलासम्म नियमित चेकजाँच, औाषधी सहित आवश्यक सहयोग कोषले गर्ने छ ।

डोनर ३ दिन आइसियूमा र ११ दिन अस्पतालमा बसेर डिस्र्चाज हुने छन् भने सियाना ३० दिन अस्पतालमै चिकित्सकको उच्च निगरानीमा राखिने छ । प्रत्यारोपणका लागि समाजसेवी केसी बिहिबार अस्पतालमा भर्ना भएका थिए। सियानाका आमाबुबाको कलेजो म्याच नगरेपछि डोनरको खोजी भइरहेको अवस्थामा कोषका संस्थापक अध्यक्ष केसीको म्याच भएसंगै करिव दुईमहिनादेखि आवश्यक प्रक्रिया सुरु गरिएको थियो ।

‘एउटा परोपकारी संस्थामा लाग्दा मैले यो दान गर्ने अवसर पाए,‘सहयोग जुटाएरै विरामीलाई बचाउन सकिन्छ भन्ने सन्देशपछिको यो अर्को ठुलो प्रयास थियो’ भारतबाट बेनीअनलाइनसंग कुराकानी गदैं केसीले भने । उनले कोषले जटिल अवस्थाका विरामीको उपचार गर्ने गरेको अवस्थामा कलेजो म्याच नहुदाँ मृत्युलाई कुरेर बसेकी एक बालिकालाई नयाँ जीवन दिने अभियान सुरु गरेपछि कोषको पहलमा आफुँले दान गरेको बताए । डा.निमेश र डा. बिशाल संलग्न छन् । चिकित्सकसंग कोषका अध्यक्ष शाक्य नियमित सम्पर्कमा छन् ।

डा. निमेशको भनाई उद्धित गदैं अध्यक्ष शाक्यका अनुसार कलेजो प्रत्यारोपण आफैंमा जटिल र ठूलो सर्जरी भएकाले सफलतासँगै टिकाइराख्ने चुनौती भएकाले प्रत्यारोपण फेल भए यसमा मानिसहरूको विश्वास गुम्ने भएकाले पनि दुवैलाई निगरानीमा राखेपछि प्रत्यारोपणको कार्य सुरु भएको बताए । कलेजो प्रत्यारोपण गरेका बिरामीहरूमा घाउ निको हुन समय लाग्ने, जहाँ छोयो त्यहीं रगत बग्ने र खाना नपच्ने जस्ता समस्या हुनसक्ने भएकाले चुनौतीपूर्ण भएको चिकित्सकको भनाई छ । प्रत्यारोपणपछि सियाना ३० दिनसम्म अस्पतालमा बस्नुपर्ने, नियमित औषधी सेवन गर्नुपर्ने छ । प्रत्यारोपणको एकबर्षसम्म विरामीलाई समान्य अवस्थामा फर्कन दिन नहुने भएकाले पनि करिब ६ महिना सियानाका परिवार भारतमै बस्नेछन् ।

को हुन् अंग दान गर्ने केसी ?
जिल्लामा प्रतिष्ठित माउण्ट एभरेष्ट आवासीय माविका अध्यक्ष समेत रहेका केसी, विश्वकै ठूलो सामाजिक संस्था लायन्स क्लव अफ नेपालमा आवद्ध छन् । म्याग्दी जिल्लामा लायन्सलाई प्रवेश गराउन महत्वपूर्ण भुमिका खेलेका केसी बेनीबजारमा रहेको बैकल्पिक उज्यालो विद्यालयका अध्यक्ष समेत हुन् ।

बेनी अस्पतालको गुणस्तरीय सेवा मार्फत विरामीलाई आर्कषित गर्ने गरी अस्पताल ब्यवस्थापन समितिका अध्यक्ष समेत भएका केसी दर्जनौ संघसंस्थामा आवद्ध छन् ।लायन्स क्लवसंगै विभिन्न संघसंस्थामा उनले गरेका कामले कान्तिपुर दैनिकमो बर्ष पुरुषको छनौट तथा नेपाल टेलिभिजनको शान्ति दुत कार्यक्रममा समेत केसी छनौट भएका थिए।

बेनी नगरपालिका–४ की ओमकुमारी शान्ती पुन हाईपोपलास्टिक एनिमिया रोगबाट पीडित भएपछि उपचारमा सहयोग जुटाउन सुरू भएको शान्ति बचाउँ अभियानमा संयोजकको भूमिका निर्वाह गरेका केसीले शान्तिको उपचारमा आर्थिक जुटेपछि अधिवेशनमार्फत नेतृत्व हस्तान्तरण गरेका थिए । ओमकुमारी शान्तिको निधन भएपछि ओमकुमारीको नाममा स्थापना गरिएको कोषको अभिायनमार्फत भूकम्पले अस्तब्यस्त भएका विभिन्न जिल्लामा पुगेर राहत वितरणको नेतृत्व समेत केसीले गरेका थिए ।

उनले शान्ति कोषमार्फत सञ्चालित अधिकांस अभियानमा सहयोग गर्ने गरेका छन् । कोषको अभियानमा अध्यक्ष शाक्य र संस्थापक अध्यक्ष केसीले ब्यक्तिगत रुपमै ५ हजार सहयोग गर्ने गरेका छन् । कोषमार्फत सुरु भएको अभियानमा प्रतिब्यक्ति १० हजार देखी ३० लाखसम्म खर्च गरिएको छ । कोषमार्फत ब्लड क्यान्सर, मुटु, मृगौला, हाडजोर्नी, आँखा, नशा लगाएत विभिन्न किसिमका करिव १ सय १० जना विरामीको उपचारमा सहयोग गरेको छ । १ करोड ५० लाखको अक्षय कोष स्थापना गरी त्यसबाट प्राप्त ब्याजले नियमित सहयोग गर्न सहज हुने कोषले जनाएको छ ।

बेनीअनलाइन

म्याग्दीको परोपकारी संस्था ओमकुमारी शान्ति कोषको अक्षयकोष स्थापना गर्ने अभियानमा चिनको विषेश प्रशासनिक क्षेत्र हङकङमा रहेका म्याग्देलीले एकैदिन ४० लाख सहयोगको प्रतिबद्धता जनाएका छन् । आइतबार बार्षिक उत्सवको अवसरमा आयोजित कार्यक्रममा हङकङमा रहेका म्याग्देलीको साझा संस्था म्याग्दी प्रवासी नेपाली संघ मोना हङकङको २० औं बार्षिक उत्सवको अवसरमा आयोजित कार्यक्रममा आर्थिक अभावकै कारण मृत्युवरण गर्नुपर्ने अवस्थाको अन्त्य गर्ने उदेश्यले स्थापित कोषले जिल्लामा धेरै विरामीलाई नयाँ जीवन दिएको भन्दै उत्सवको अवसरमा बोल्ने बक्ताले कोषको प्रशंसा गरेका थिए ।

आर्थिक अभावले मृत्युलाई रोज्नुपर्ने अवस्थाको अन्त्यमा कोषले खेलेको भूमिकाले मानवीय सम्बन्धलाई समेत थप उचाईमा पु¥याएको बताउँदै हङकङबासी म्याग्देलीले एकैदिन ठूलो धनराशीको प्रतिबद्धता जनाएका हुन् । बार्षिक उत्सवको उद्घाटन गदैं ओमकुमारी शान्ति कोषका अध्यक्ष राजेश शाक्यले सामान्य र जटिल उपचारमा आर्थिक समस्या भएका विरामीलाई कोषले अभियान सञ्चालन गर्ने गरेको बताउँदै दिर्घकालिन सहयोगका लागि अक्षय कोषको आवश्यकता रहेको बताए । ‘धेरैले नयाँ जीवन पाउनुभएको छ,‘निको भएपछि भेट्न आउँदा अभियानमा थप आत्मबल बढ्छ’ शाक्यले भने ।

उनका अनुसार कोषले १ करोड ५० देखि २ करोडसम्म अक्षय कोषको स्थापना गरी ब्याजबाट उपचारमा सहयोग गर्ने अभियान सञ्चालन गरेको बताएका थिए । उनले कोषमार्फत मृत्युलाई कुरेर बसेका विरामीले समेत नयाँ जीवन पाएको बताउँदै विरामीको अवस्था हेरेर सहयोथ गर्ने गरिएको बताए । कार्यक्रमकमा विशिष्ट अतिथि एवम् मोना अन्तराष्ट्रियका संस्थापक अध्यक्ष प्रकाश पुन, कोषका सचिव एवम् स्वर्गीय ओमकुमारी पुनकी दाजु लोकेश पुनमगर, मोना हङकङका संस्थापक अध्यक्ष तुलमान राम्जाली, मोना हङकङका निर्वतमान अध्यक्ष इन्द्र एलजी थापामगर, सल्लाहकार बल बहादुर शेरचन, पुनमगर समाजकी अध्यक्ष एवम् मोनाकी सल्लाहकार गोमा पुन मगरले मन्तब्य राखेका थिए ।

कार्यक्रममा कोषलाई ३१ लख ६५ हजारको संकलन भएपनि अध्यक्ष कर्ण पुनले कोषको अभियानमा ४० लाख पु¥याउने प्रतिबद्धता जनाएका थिए । ’शान्तिकोषले धेरै म्याग्देलीको घरमा खुसी दिएको छ,‘मृत्यु कुरेका परिवारका सदस्यले उपचार पछि नयाँ जन्म लिएर घरमा फर्किएका छन्, यस्ता अभियानलाई अझै प्रभावकारी बनाउनुपर्छ’ पुनले भने ।उनले केहीदिनको बसाईमै कोषलाई ४० लाखभन्दा धेरै सहयोग जुटाउने बताए ।

बार्षिक उत्सवको अवसरमा कोषलाई मोना आईसीका संस्थापक अध्यक्ष प्रकाश पुन, मोना हङकङका अध्यक्ष कर्ण पुन, निर्वतमान अध्यक्ष इन्द्र एलजी थापामगर, बरिष्ठ उपाध्यक्ष प्रमोद गिरी, कोषाध्यक्ष नारायण सिंह पुन, सचिव जेबेन्द्य्र फगामी, सल्लाहकार राजु गर्बुजा, ज्ञानेन्द्र थापा, संरक्षक हर्कमान मगर, गोमा पुन र कार्यसमिति सदस्य लिल रोकाले ब्यक्तिगत रुपमा २ लाख सहयोग गदैं ब्यक्तिगत संरक्षक सदस्यता ग्रहण गरेका थिए । ब्यक्तिगत संरक्षक सदस्यको संख्या बढ्ने मोनाले जनाएको छ । त्यस्तै सोही अवसरमा आर्थिक सहयोग गर्नेहरुको विवरण समेत संकलन भइरहेको छ ।

बार्षिक उत्सवको अध्यक्षता अध्यक्ष पुन, स्वागत बरिष्ठ उपाध्यक्ष प्रमोद गिरी, सञ्चालन सचिव जेबेन्द्र फगामीले गरेका थिए । केहीदनको बसाईमा कोषले थप सहयोग जुटाउने छ । बेनी नगरपालिका–४ सिंगाकी ओमकुमारी शान्ती पुन हाईपोपलास्टिक एनिमिया रोगबाट पीडित भएपछि उपचारमा सहयोग जुटाउन सुरू भएको अभियानको क्रममा निधन भएपछि ओमकुमारीको नाममा स्थापना गरिएको थियो । कोषले हालसम्म १ सय ११ जनालाई आर्थिक सहयोग तथा उपचारको अभियान सञ्चालन गरेको छ ।

ओमकुमारी शान्ति कोषले प्राप्त गरेका सम्मानहरु

तराइमा आएको बाढीले ठुलो जनधनको क्षेती भएकाले उक्त बाढी पिडितहरुको लागि यस कोषले आर्थिक संकलन अभियान
संचालन गरेको थियो । यस अभियानमा मोना युएईबाट १,५०,०००÷– र कोष् ाको पहलमा १,०४,०००÷– संकलन गरि कुल २,५४,०००÷– बरावरको झुल, कोल्केट, ब्रस, साबुन खरिद गरि नेपालगञ्ज उपमहानगर पालिका उपमेयर उमा थापा मगरको प्रमख आतिथ्यतामा डुडवापुर गाउँपालिका वडा नं. ६ का बाढी पिडितहरुलाई कोषका कोषाध्यक्ष खम थापाको नेतत्वमा संरक्षक नन्दकुमार पाइजा र पत्रकार धिरेन खत्रीको उपस्थितिमा राहात वितरण गरिएको थियो । साथै पात्लेखतमा गएको पहिरो पिडितहरुको लागि यस कोषबाट रु. २०,०००÷– आर्थिक सहयोग गरिएको थियो ।

म्याग्दी जिल्ला मंगला गाउँपालिका वडा नं. ५ नेटा (साविक अर्मन–७, नेटा, म्याग्दी निवासी जगविर बुढाको छोरा वर्ष ५५को
दिपबहादु र बुढाको दुव मृगौला काम नलाग्ने भई मानिपाल हस्पितल पोख रामा डाइलसिस गरि रहनु भएको र हाल घरको आर्थिक अवस्था कमजोर भई उपचारमा समस्या भएको भनि निज बुढाकी छोरी अमृता बुढाले यस कोषमा निवेदन दिनु भएकोमा निज बुढाको उपचारको लागि यस कोषको गरिव विरामी उपचार अक्षय कोषको ब्याजबाट रु. २०,०००÷– (अक्षेरुपी बिस हजार रुपैयाँ मात्र) आर्थिक सहयोग गरियो ।

म्याग्दी जिल्ला धवलागिरी गाउँपालिका वडा नं. ३ दर (साविक मुना–८, दर) निवासी गंगाप्रसाद पाईजाको छोरा वर्ष ५५ को
बोमबहादुर पाईजाको कलेजो, फोक्सो, जन्डिस तथा शरीरिमा रगत कम भई गण्डकी हस्पितल पोखरामा उपचार गराई रहेको र निज पाइजाको घरको आर्थिक अवस्था कमजोर भई उपचारमा समस्या भएको भनि छोरी विजिता पाईजा ज्युल दिनु भएको निवेदन अनुसार निज पाईजाको उपचारको लागि यस अक्षय कोष् ाको गरिव विरामी उपचार अक्षय कोषको ब्याजाट रु. १०, ०००÷– (अक्षेरुपी दश हजार रुपैयाँ मात्र) आर्थिक सहयोग गरियो ।

म्याग्दी जिल्ला मालिका गाउँपालिका वडा नं. ६, अल्काचौर (सविक दरबाङ–५, निवासी पदमबहादुर कामीको श्रीमति वर्ष ५६ की औशभा कामीलाई लामो समय देखि फोक्सो र मुटमा रोग लागि फिस्टल अस्पतल पोख रामा उपचार गराई रहनु भएकोमा निज कामीको घरको आर्थिक अवस्था कमजोर भई उपचारमा समस्या भएको भनि यस कोषमा निवेदन दिनु भएकोमा यस कोष् ाको गरिव विरामी उपचार अक्षय कोषको ब्याजबाट रु. १०,०००÷ – (अक्षेरुपी दश हजार रुपैयाँ मात्र) आर्थिक सहयोग गरियो ।

म्याग्दी जिल्ला मालिका गाउँपालिका वडा नं. २ रुमकी चन्द्रकमारी पटेलको छोरा वर्ष ३८ की मनबहादुर पटेलको मृगौला फेल भएको र उनको आमा चन्द्रकम ारी पटेलको मृगौला मिलेको र उक्त मृगौला प्रत्यारोपनका लागि यस कोष् ाले अभियान संचालन गरेको यस सम्मानित सभामा जानकारी गराउँदछु ।

म्याग्दी जिल्ला बेनी नगरपालिका वडा नं. ७ कुरिलाखर्क निवासी लक्ष्मण श्रेष्ठको श्रीमति वर्ष ५९ की रत्नकुमारी श्रेष्ठको क्यान्सर भई विपि कोइराला मेमोरियल क्यान्सर हस्पितल भरतपुरमा उपचार भई रहेकोमा निजको घरको आर्थिक अवस्था कमजोर भई उपचारमा समस्या भएको भनि यस कोषमा आर्थिक सहयोग गरिदिनु हुन भनि दिवेदन दिनु भएकोमा निज उपाध्यायलाई यस कोषको गरिव विरामी उपचार अक्षय कोषको ब्याजबाट रु. २०,०००÷– (अक्षेरुपी विस हजार रुपैयाँ मात्र) सहयोग गरियो ।

म्याग्दी जिल्ला मंगला गाउँपालिका वडा नं. २ सिमलचौर निवासी लालबहादुर घर्ति क्षेत्रीको श्रीमति दिलिप कुमारी घर्ति
क्षेत्रीको स्तन क्यान्सर भई हाल विपि कोइराला मेमोरियल क्यान्सर हस्पितल भरतपुरमा उपचार भई रहेकोमा निजको घरको आर्थिक अवस्था कमजोर भई उपचारमा समस्या भएको भनि यस कोषमा आर्थिक सहयोग गरिदिनु हुन भनि दिवेदन दिनु भएकोमा निज उपाध्यायलाई यस कोषको गरिव विरामी उपचार अक्षय कोष् ाको ब्याजबाट रु. २०,०००÷– (अक्षेरुपी विस हजार रुपैयाँ मात्र) सहयोग गरियो ।